ភ្នំពេញ៖ ក្រសួងរៀបចំដែនដី នគរូបនីយកម្ម និងសំណង់ បន្តអនុវត្តកម្មវិធីកំណែទម្រង់របស់រាជរដ្ឋាភិបាល ពិសេសកំណែទម្រង់លើវិស័យដីធ្លី និងគ្រោងចុះបញ្ជីដីដែលនៅសេសសល់ជាង៥០ម៉ឺនក្បាលដីឱ្យអស់នៅក្នុងឆ្នាំ២០២២ខាងមុខ។

ក្រសួងដែនដីបញ្ជាក់ថាការសម្រេចបានការនូវការចុះបញ្ជីក្បាលដី១០០%នៅឆ្នាំ២០២២ខាងមុខនឹងអាចជួយដល់ពលរដ្ឋមានភាពច្បាស់លាស់នៃព្រំដីរបស់ខ្លួនដែលសម្រួលដល់ការរស់នៅ ដាំដុះ និងវិនិយោគ ដើម្បីបង្កើតមុខរបរ បង្កើនប្រាក់ចំណូល រួមចំណែកក្នុងការអភិវឌ្ឍសេដ្ឋកិច្ច-សង្គម។

គិតរហូតមកដល់ពេលនេះក្រសួងរៀបចំដែនដីបានចុះបញ្ជីដីជូនពលរដ្ឋបានប្រមាណ ៦ ៤១៥ ៣១១បញ្ជីក្បាលដី ដែលស្មើប្រមាណ៩១,៦% នៃចំនួនក្បាលដីដែលប៉ានស្មាន៧លានក្បាលដី៕